Wiktor Janukowytsch

Dr Wiktor Fedorowytsch Janukowytsch (urkàinisch Віктор Федорович Янукович, wìss. Umschriiwung Vìktor Fedorovič Janukovyč [ˈwiktor ˈfɛdorowɪtʃ jɐnʊˈkɔwɪtʃ](info), rüssisch Виктор Фёдорович Янукович, wìss. Umschriiwung Viktor Fëdorovič Janukovič, ìn Diitschlànd oft Viktor Janukowitsch; * 9. Jüüli 1950 z’ Jenakijewo ìn dr Oblast Stalino, Ukràinischa SSR, Sowjetunioon, hìtt Jenakijewe, Oblast Donezk, Ukràina) ìsch a ehamooliger ukràinischer Politiker. Ar ìsch bis ìm März 2014 Mìtglììd vu dr „Pàrtäi vu da Regioona“ gsìì. Zwìscha 2002 un 2005 so wia nochamol zwìscha 2006 bis 2007 ìsch’r Minìschterpresidant vu dr Ukràina gsìì. Ìm Hornung 2010 ìsch’r Presidant vu dr Ukràina worra. Wahrend da Unrüahja z’ Kiew ìsch’r ìn Rüsslànd g’flìchta un ìsch wagadam àm 22. Hornung 2014 vum ukràinischa Pàrlàmant àbg’sätzt worra.